miércoles, octubre 31, 2012

La Vierxe'l Camín, Patrona la Rexón Llïonesa

La Vierxe'l Camín, qu'en Xullu y 2, 1505, s'apaeciera a Alvar Simón Fernández (pastor de Velilla la Reina) nel llugar chamáu L'Humilladeiru, onde guei s'alcuentra una capilla de la basílica dedicada a la Vierxe nel pueblu que lleva'l sou nome ye, dende 1930, cumu creigu sabedes, la Patrona coronada de la Rexón Llïonesa, ou seya de las tres provincias llïonesas, Çamora, Salamanca y Llión.

Ensín embargu, dende mueitu anantias, dende l'annu 1738, ye la Patrona'l Reinu de Llión y una Real Cédula daye esti mesmu títulu nel annu 1778.

Y lu que creigu que nun podemos esqueicere los llïoneses ye que, dende que van cuasi trenta annos, tan tratandu de fuliminare tolu que seya llïonés (llingua, cultura ya identidá) ye la única "istitución" común qu'untavía nos queda a los llïoneses de las tres provincias.

Asina que, dimpués d'esti piquennu apunte, déixuvos la lletra l'Hinu a la Vierxe'l Camín, na llingua de nuesu, ye dicire en llïonés.

¡Oh Vierxe'l Camín, Reina y Mai
del pueblu llïonés!
amuésanos a Xesús vivu y gloriosu
qu'heredancia de nuesu ye
qu'heredancia de nuesu ye.

Reina, Llión, chámate de las suas tierras
y la sua dolzura, si el tou amor suplica,
la sua vida cuandu diz que te quiere
y la sua asperanza cuandu xime y chora.
La sua vida cuandu diz que te quiere
y la sua asperanza cuandu xime y chora.

Mai, Llión chámate de los sous fiyos
y vien a Tí, los sous fiyos a ufiertate,
y torna a Tí, cuntiéu a consolase,
cuandu a los tous brazos, yes llevóu la muerte.

Grande ye'l tou amor, oh Vierxe'l Camín
y l'ánima llïonesa n'él se banna,
y dióu pur esi amor en santas lluitas
triunfos y glorias a la Mai Hespanna.

Reina inmortal, oh gloria de la Gloria!
oh Mai! siempres Mai de clemencia,
bendícinos, bendice los nuesos Reis,
bendice la nuesa Patria, que ye la tua heredancia.

Y del tou amor las cálidas tenruras,
que del sou altu orixe divinal pregonan,
más dolce seyan guei pa los tous fiyos,
los fiyos de Llión que guei te coronan.

No hay comentarios:

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...